Melikee
21.08.2022 09:33
Jar çekýär sesine bat berip küýki.
" Puluň bolsa tapylmajak zat ýokdur "
Ýassyk satyn aldym,tapmadym uky.
Ýene-de bir ýerden edindim derman,
Näçe pul bolsa-da,tapmadym saglyk.
Nahar satyn aldym äpet aşpezden,
Işdä soranymda " ýok " diýdi eglip.
Ynha-da bir ýerden täsin dost tapdym,
Wepasyn tapmanma gynandym çala.
Hemem satyn aldym bir ýetim ýigdi,
Ejesin tapmadyk ullakan pula.
Bir gözel gyz tapdym bazar içinden,
Derhal satyn aldym, töledim nagt.
Toýa diýip haryt baryn ýygnadym
Emma giň bazardan tapmadym bagt.
Bazarda pul berip maýmyn oýnatdym,
Pul berseň atlaram kişňeýän eken.
Şunça meseläni çözýän şaýlyga,
Maňa gerek zatlar düşmeýän eken.
