Tilkiň guýrugy gapana gysylypdyr. Gapandan halas bolmak üçin guýrugyny kesmeli bolupdyr. Has soňra başga bir tilki guýruksyz görende:
"Näme üçin guýrugyňy kesdiň?" diýip sorapdyr.
Guýrugyny kesen tilki bolsa:
"Guýruksyz özümi gaty bagtly we şadyýan duýýaryn" diýip jogap beripdir.
Bu sözlerden soň beýleki tilki hem öz guýrugyny kesipdir. Emma bagtly bolmagyň deregine gaty ejir çekipdir. agyrysyna çydamandyr. Beýleki tilkiň ýanyna baryp:
"Näme üçin meni aldadyň? Men bagtly hem bolmadym şadyýanam bolmadym. Diňe ejir çekdim" diýipdir. 
1 Tilki: "Eger ejir çekeniňi beýleki tilkilere aýtsaň guýruklaryny kesmezler we biziň üstümizden gülerler" diýip jogap beripdir.
Onsoň bu iki tilki beýleki tilkilere guýruksyz gaty bagtly we şadyýan bolandyklaryny aýdypdyrlar.
Şeýlelik bilen tilkileriň ählisi diýen ýaly guýruklaryny kesipdirler. Şeýdip köpçülik guýruksyz tarapda bolupdyr. Bu gezek hem guýrukly bolanlaryň üstünden gülüp, azap berip başlapdyrlar.
Ine. Ilki bilen jemgyýeti bozarlar. Soňra gowy adamlary erbet adamlara günäkärlederler. 
Islendik bir zady hem köpçülik tassyklasa şol zadyň dogrudygyny aňlatmaýar.