Hyýal bahary

Garşylap pasyllaň tylla güýzüni,
Burnuma baharyň ysy gelip dur.
Gökde garlawajyň synlap yzyny,
Hyýalym: ''Baharyň yzy'' diýip dur.

Elimde şahadan boýyn egen nar,
Hyýalyma gunça ýaly görünýär.
Ömrüň güýzem barlygyndan bihabar,
Hyýalyma bahar a:ly görünýär...

Ýazyň ýagmyryndan parhyn bilemok,
Ellem aýasyna ýagýan güýz ýagşyn.
Ýaňy ýere gaçan saryja ýaprak,
Ýatladýar baharyň baldakda nagşyn.

Şondan bilýän, tylla güýzüň gelenin,
Gözüme görünse garlawaç yzy.
Senenama gerek bolmaz, bilenim,
Burnuma gelende baharyň ysy.

Aly Şirhan Daýhan ogly

Täze ýazyp başlan '' Geldi Döwran... '' goşgular ýygyndymnan (ähli hukuklary goralan)