Köplik bir etmesin, şu bolşum ýeter,
Neýlärin tanapyñ ujyn ýitirsem,
Ýaşasa ýeterlik, özümden beter,
Gözümiñ köküni gyran setirlem.

Gowy bolmakdanam ýadadym indi,
Ömri az bolýarmyş, munda gowylañ,
Indi ähli zatlar irizip barýar,
Binjalyk ýüregim düşýär dowula.

Soñky döwür sabyr bilen dostlaşdym,
Howlugamok, gyssanomok wagtyna,
Şol köne umytdan ýapyşyp ýörün,
,,Birwagtlar duşaryn" diýip bagtyma.

Iñ esasy ynam gerek ynasana,
Dynman aksa suw deşip dur daşy-da,
Sähelçejik sebäp tapsam müzzermän,
Erbet bolup, gowy görnüp ýaşajak.

Awtory: Baýram Bejidow