Bu höwes erkime goýmady meni,
Indi men şoňa-da ýetmäge taýyn.
Bagta tarap barýan iň soňky ýoly
Tapdym 17-nji gününde maýyň.

Bu gün bir üýtgeşik gün bolupdy
gökde
bulutlar meňzeýär bölegne kamsyň.
Ol meniň iň soňky ykbalym
ýöne
men mawy asmana bakýaryn gamsyz.

Ýaşaň siz, adamlar,
erkana boluň,
Mensiz bir adamlyk giňän dünýäde.
Onsoňam hiç haçan «bagtly bolmaga
mümkinçilik ýokdur — diýmäň — dünýäde».

Hoşlaşyk sözleri gysga aýdylar,
Bu däbe hemişe kaýyldyr her kim.
Size gowy günler arzuw edýärin,
Çünki, başga zada ýetmeýär erkim.