Agyz we diş saglygyňyzy goramak üçin ...

Dişleriňizi üns bilen ulansaňyz we ideg etseňiz, köp ýyllap esasy wezipelerini ýerine ýetirip bilerler. Emma olary el gurallary hökmünde ulanýan bolsaňyz, ýygy-ýygydan şeker iýseňiz, aşa kofe içseñiz we ​​çilim çekseñiz ýaş wagtyňyz dişleriňizi ýitirip bilersiňiz. Mundan başga-da, sagdyn bolmadyk dişler we diş etleri käbir organlara, esasanam ýürek, böwrek we aşgazana ýaramaz täsir edýär we süýji keseli, aşgazan ýarasy ýaly hroniki keselleri döredip biler. Göwreli aýallarda wagtyndan öň dogurmagy, göwreliligiň düşmegi we pes agramly bäbekleriň döremek howpuny ýokarlandyrýar. Şonuň üçin sagdyn diş we diş etleriniň bolmagy umumy beden saglygyñyzy goramakda gaty möhümdir. Öňünden pikirlenip, diş saglygyňyza zerur ähmiýet bermek sizi rahatlandyrar. Dişleriňize zeper ýetirýän iň möhüm faktor, gündelik durmuşyňyzda ýygy-ýygydan goýberýän ýalňyşlyklaryňyzdyr. Ine şol käbir ýalňyşlyklar ...

1. Dişleriňiz el gurallary däldir!

Dişleri gural hökmünde ulanmak köp duş gelýän ýalňyşlykdyr. Bukjalary açmak, etiket ýyrtmak we dürli çüýşeleri açmak üçin ulanmak dişlere şikes ýetmegine, dişleriň gyralarynyň döwülmegine, bar bolsa proteziň çykmagyna we döwülmegine sebäp bolup biler.

2. Dişleriňizi stress bilen gysmaň!

Stress diş saglygyna uly täsir edýär. Dişleriňizi gysmak we sürtmek köplenç stres sebäpli bolýar. Uky wagtynda, esasanam gijelerinde güýçlenýän diş gysmak we sürtmek, dişlerde madda ýitgisine, diş etiniñ çekilmegine we ýene birnäçe zeperlere sebäp bolýar. Wagtyñ geçmegi bilen dişlerdäki bu ýitgiler dişlerde sensibilizasiýa sebäp bolup, diş saglygyňyza zyýan ýetirip biler. Dişleriň gysylmagy eňegiň bogunlaryna we töweregindäki dokumalara hem ýaramaz täsir edýär we myşsa spazmy bilen kellede we boýunda agyry döredip biler.

3. Yzygiderli garbanmañ!

Günüň dowamynda yzygiderli garbanyp durmak, bir zatlar iýmek we kislotaly içgileri içmek netijesinde, agzyň turşy-aşgar balansynyň turşy tarapa geçmegi bilen karies we diş eti infeksiýasy bolup biler. Iýmit agyzda ýygnanýar, bu bakteriýalaryň sanyny köpeldýär we agzy infeksiýalara açyk ýagdaýa getirýär. Elbetde, bu diş saglygyňyza hem zyýan berýär.

4. Kofe we ​​çilim ir ýaşda diş ýitgisine sebäp bolup biler!

Kofe we ​​çilimi aşa köp tüketmek dişleriň reňkiniñ üýtgemegine we sary bolmagyna sebäp bolýar. Çilim çekmek gan aýlanyşyna zyýan berýändigi sebäpli, diş etiniň keselleriniň ir wagtda bilinmeginiñ öňüni alýar we diş ýitgisi ir ýaşda diş etiniň keselleriniň netijesinde ýüze çykyp biler.

5. Dişleriňizi dogry ýuwuň!

Dişleri arassalamak işi ýeterlik wagtda edilmezligi, dişleri gaty süýkäp ýuwmak we ulanylýan gaty şýotkalar köküñ ýüzündäki sement gatlagynyň eroziýasyna we dentin gatlagynyň açylmagy bilen agyr sensibilizasiýa sebäp bolup biler. Irden we agşam dişleriňizi 2 minut orta gatylykdaky şýotka bilen aýlawly hereketler bilen bilelikde diş etine hem massaž edip ýuwmaga üns bermeli. Şeýle hem agşamlary diş sapajyklary bilen dişleriñ aralaryny arassalamagy endik ediniň. Mundan başga-da, her 6 aýdan stomatolog lukmana ýüz tutmagy hem unutmañ! (pul gazanarymyz ýaly!😁).

6. Diş saglygy üçin süýjüli önümlerden gaça duruň!

Süýjüli we fermentlenen uglewodly önümleri aşa köp ýa-da ýygy-ýygydan tüketmek diş saglygyna ýaramaz täsir edýär. Süýjüli önümleri iýmek arkaly agyzda döreýän turşy gurşaw dişleriň ýüzüniñ eremegine sebäp bolup biler. Diş dokumasynyň bu derejede ýumşadylmagy hem kariýese sebäp bolup biler. Şol sebäpli, diş saglygyňyz üçin şekersiz sakgyç ulanylmagy, emeli miwe suwunyň we konsentrirlenen içgileriň ýerine tebigy miwe suwuny saýlamak hem diş saglygyňyza hem-de umumy beden saglygyñyza peýdalydyr.

Şu endikleri etmezlik diş saglygy meselesinde ýerine ýetirip boljak öñüni alyş çäreleriniñ birnäçeleridir!

Saglykda galyñ!