Abraý we pul hakynda

Iki ýoldaş jedel eder özara.
Pul gowumy abraý? Açmaly ara

- Meniň-ä abraýly bolasym gelýär,
-Maña weşeň-weşeň pul bolsa bolýar.

Biri il öňünde borjun haklapdyr,
Biri weşeň-weşeň köp pul toplapdyr.

Birisi "tüçjar baý" adyn alypdyr,
Beýlekisi abraýly adam bolupdyr.

Öwrülip nebsiniň gara guluna,
Buýsanypdyr sandyk doly puluna.

Beýleki ýetişip il ogly gerçek,
Abraýna guwanypdyr ol her çak.

Tüçjar baý bir gezek sandygyn açan.
Görse, pulun iýip gidipdir syçan.
Abraýly kaýyl hakyň buýrugna,
Baýlyk daňylgydyr syçan guýrugna.

( Eziz Ykbal).