Enä söýgi tebigydyr,
Özge çözmez kalbyñ towny,
Iliñ gepi piñime däl,
Goý, diýsinler ,, ejem ogly".

Ölüm bize däl oýunjak,
Kim bilip dur haçan gaýjak,
Huzurynda başym goýjak,
Goý, diýsinler ,, ejem ogly".

Göwnüm sada, kalbym hötjet,
Bilmen gussam haçan ötjek,
,,Käbäm" diýip elin öpjek,
Goý, diýsinler ,, ejem ogly".

Dogry ýola ugurlanym,
Hassa kalbyma dermanym,
Bu ykbaldan nä armanym,
Bolup bilsem ejem ogly...

Awtory:Baýram Bejidow