Sen maña dileg et! Dileg et Käbäm,
Sabada, säherde, şamda, şapakda.
Seniñ bilen hiç gorky ýok, ürki ýok,
Panynyñ silleri, gar ýa sowukda.

Sen maña dileg et! Dileg et Käbäm,
Diýäýme, kemiñ ýok! Ýetenok nämäñ?!
Dilegler dergähde kabul bolanda,
Ruhuñ tupanyna döz geler gämem.

Sen maña dileg et! Dileg et Käbäm.
Dilegli bendesin Alla ýalkandyr.
Seniñ keramatyñ, doga-dilegleñ,
Peykamlaryñ oklaryñ galkandyr.

Sen maña dileg et! Dileg et Käbäm,
Dilegleriñ bilen oñalaryn men.
Dilegleñ bolmasa dünýäñ hubbatyn,
Mähribanym nädip oñararyn men?!

Allajan mähriban käbelerimiziñ jany sag, ömürleri uzak, perzentleriniñ rahatyndan başlary dik bolsun. Ämin InşaAllah!♥️