Täze gün🌞

Säher turup, dogan Güne seretdim🌝,
Ýüze sylyp, ýüregimi eretdim.
Allaň rehmetinden köňlüm nurlanyp,
Täze güne kalbym içre ýer etdim.

Älem ýüregime nuruny saçdy,
Gözellik nur bolup doldy dünýäme.
Şatlyk kalbym gurşap, göwnümi açdy,
Täzeden garadym durmuş aýnama.

Bägül deý bark urup açyldy göwnüm,
Müşki-anbar ysy saçyldy dünýä.
Kalbymyň nurundan älem minewwer,
Dünýämiň içinde açyldy dünýä.

Dünýäme nur saçyp täze gün dogdy,
Täsin pursat – kalpda ylham oýadan.
Şygyr dünýä indi ýürekden syzyp...
Barça günden şol dogan gün owadan


..........Güljemal Garaýewa..........