Göçüşi deý depe çölleñ,
Wagt hem akyp barýar elden,
Dünýe geçer menden, senden,
Sogaply eser goýmaly.

Haçan tutan işiñ oñsa,
Ýalan, kim şat günde öwse,
Dostlaryñ dost bolýan bolsa,
Mat günüñde ser goýmaly.

Işleseñ-de öler ýaly,
Nesipdäki alar ýoly,
Zat gadyryn biler ýaly,
Gazanjyña der goýmaly.

Gowa duşan, erbedi bor,
Ýagşyñ ýoly jennede bor,
Düşünişmezlik hemmede bor,
Ýaraşmaga ýer goýmaly.

awtor : Şanazar Hydyrow