Agyrma ýüregim agyrma beýle,
Ýör bile çykaly seýrana-seýle.
Belki gussalaryň egsiler, gider,
Bilýäňmi hool günem bolupdy şeýle.

Baý şonda kösäpdiň agyryp öte,
Şomda-da ikimiz çykypdyk çete.
Derman, därä pisint dagam etmediň,
Kim bilýä nämeler düwdiň sen nete?

Gereginden artyk urjak bolduňmy?!
Ýa, urup ýadadyň, durjak bolduňmy?!
Bilmekligim üçin durmuş gymmatyn,
Ýa, gorkuzyp, hile gurjak bolduňmy?!

Siňesim gelenok Ýeriň teýine,
Irden görenlerim, ýogaldy öýle.
Entek edilmedik işlerim ýatyr,
Agyrma ýüregim agyrma beýle..!