Ýada düşüp bir menzile ýetensoň,
Ýitiren zatlaryňy yzyňda gözle.
Çagalaň ýetişip ata bolansoň,
abraýyňy ogul gyzyňdan gözle.
????????????
Dawa jenjel çözmeklik bir kär däldir,
Her başy telpekli ygrarly är däl.
Hasylyň pes bolsa güýz günäkär däl,
Säwilik göýberen ýazyňdan gözle.
????????????
Kim bolsaňam ýoldaş edin imany,
Märekede gürlemegin bi many.
Halal ýaşap halal çörek iýmäni,
Öýüňdäki halal duzuňdan gözle.
????????????
Öýünde gadry bolmaz şahyryň, bagşyň,
Ölensoň biliner gymmady ýagşyň.
Toýa çagyrmasa dul degşir goňşyň,
Günäni ondan däl özüňden gözle.
????????????
Söýgi ataş ýandyrmanjyk söýsene,
Söýjek bolsaň mežnun bolup söýsene.
Her gözel gyzlardan mähir gözleme,
Mähir öýüňdäki uzuňdan gözle❤