Aýtmaklaryna görä, her ýaşalan gün,
Gök ýüzüne ýyldyz bolup göterlip
Ýatlamalaň ýakym-ýalkymy bile
Nur saçar durarmyş-ömre ýeterlik...

Ine-de gaşymda tomus gijesi,
Synlap gökde geçen günleň suduryn.
Gözlem bile ýyldyzlary gujaklap,
Täsinlige başym yrap otyryn....

Maňa sessiz gürruň berdi kän zady
Giň asmanyň sansajaksyz ýyldyzy
Onýança, gijäniň şalygy synyp,
Dag başynda daň öwüsdi gyrmyzy

Serpip agyr gijäň agyr ýorganyn
Wagt öňe aýlan çagy çarhyny
Gördüm gökde täze güni garşylap
Ýyldyzlañ bir-birden ýitip barşyny

Diýmek...
Diýmek, ýaşalmadyk ýeke gün -
Ýaşalan müň günden zyýat bolarly
Ýogsam täze Günüň dogmasy bilen,
Geçen müňläp günleň gökdäki keşbi
Ýyldyzlar bir ýere sumat bolarmy?!