Döwrüň enesi - daýhan
(sonet )

Ilin, halkyn bakýan daýhandyr, daýhan,
Bir tonna zähmetdir bir gram mäşi.
Halallygy mele toprakdan alan,
Halallyk gülleder çagyly, daşy.

Kimseden gysganmaz bugdaý-miwesin,
Zemin yrsgal beren aşy-duzuna.
Aýtmaýyn ýürekden ýerli şiwesin,
Dynuw-daýanjy ýok gyşyn-ýazyna.

Gabaran eline gyzyl gül dönen,
Nur çaýylan bugdaýmaňyz ýüzüne.
Işine yhlasy ýürekden öner,
Hiç gama batdyrmaz güýmäp sözüne.

Döwri bakýan – daýhan – döwrüň enesi,
Çäksiz setir waspy bardyr, çemesi.

Aly Şirhan Daýhan ogly.

''Dünýäni öwürýän şygryma'' goşgular ýygyndymdan (ähli hukuklary goralan)