Dünýädäki iň beýik agajy
baryp görmeklik tussag
jezasyna getirip biler


Kaliforniýanyň “Redwud” milli seýilgähiniň resmi adamlary jemgyýetçiligiň wekillerine dünýädäki iň beýik agaç bolan Giperiona baryp görmegi gadagan edýän beýany ýaýratdylar. Bu barada rossaprimavera.ru salgylanyp, Day.Az habar berýär.

Beýanda agajyň golaýynda görlen islendik adama alty aýa çenli tussag jezasynyň berlip bilinjekdigi we 5 000 dollar möçberinde jerime salnyp bilinjekdigi aýdylýar.
Giperion häzirki wagtda dünýädäki iň beýik agaç hökmünde Ginnesiň rekordlar kitaby tarapyndan sertifikatlaşdyryldy (beýikligi – 115,61 m). Ol ilkinji gezek tebigatçylar tarapyndan 2006-njy ýylda ýüze çykaryldy we şondan bäri daşky gurşawy goraýjylary, ýiti duýgulary söýüjileri we HBS-iň wekillerini özüne çekýär. Agaç ýodalaryň ýok ýerinde, seýilgähiň jümmüşinde ýerleşse-de, onuň ýanyna barýan adamlaryň sany barha artýar.
Seýilgähiň tebigy baýlyklar bölüminiň ýolbaşçysy Leonel Arguellonyň aýtmagyna görä, agajyň ýerleşýän sebiti howply hasaplanýar. Ol ýerde ýodalar ýa-da çäklendirilen GPS serwisi bilen ykjam telefon örtügi ýok, bu hem ýitenleriň ýa-da zyýan çekenleriň gözlegini kynlaşdyrýar. Mundan başga-da, gadaganlyk gelýän adamlar tarapyndan töwerekdäki ekoulgama ýetirilen zyýan bilen baglanyşyklydyr.
Alada goýýan ýene bir şert – bu ýangyn howpy. 2021-nji ýylda “Sekwoýýa” we “Kings-Kanýon” milli seýilgähleriniň işgärleri dünýäde iň uly agaç hasaplanýan General Şermany tokaý ýangynlaryndan goramak üçin alýumin esasly oda çydamly material bilen örtdüler.