Mahal-mahal seniñ müñlerçe gören,
Ýene-de müñlerçe görmeli zadyñ,
Ýakýar ýüregiñde seni beýgeldýän,
Tämizleýän duýgyñ-görünmez oduñ.

Şapakdan ot alýar baglaryñ başy,
Ýoda gijä tarap uzalyp ýatyr.
Dagdan taýyp gelen awara şemal,
Otuñ hem meýdanyñ ysyny getir.

Ikatýok ýaşyny sanar oturar,
Diñe şol ykbaly çözýän mysaly.
Şu adaty zatlar şat eder seni,
Adatdan daşary gözellik ýaly.

Erte ýene dañ şapagy doganda,
Geñ galyp bakarsyñ güwleýän oda.
...Öziñi bagtly saý bir ajap purasat,
Sen begenip bilseñ, adaty zada

GURBANNAZAR EZIZOW