Men saňa kimdigimi aýdyp goýaýyn
Polatdyryn.. Hiç egilmän döwlerin..
Söýenimde ýüpek, gaharda welin
Gözlerinde ot ýakaryn döwleriň...

Men saňa kimdigmi aýdyp goýaýyn
Men-menlik däl, diýme maňa: "Öňkiň däl!"
Mümkin däldir söýenimi ýigrenmek
Bir ýigrensem söýmegimem mümkin däl..

Bir-ä ýalan söýgi hem ýalan dostlar
Dünýäde ajal dek gorkýanlarymdyr
Men onuň sebäbin aýdyp goýaýyn
Olar meň geljekki duşmanlarymdyr..