Yşk şerbetin herkim datsyn,
Durmuş guruñ, söýüp bolsun.
Nika bir mukaddes bagdyr,
Aýrylyşmak aýyp bolsun.

Syrdaş boluñ içgin-içgin,
Öýkeleşmäñ ýatlar üçin.
Ownuk-uşak zatlar üçin,
Aýrylyşmak aýyp bolsun.

Şahadatnamañ möhüri,
Kalba basmakdyr möhümi.
Gözlemäñ ilden mähiri,
Aýrylyşmak aýyp bolsun.

Hyzmatda gelniñ ýyndamy,
Razy eder gaýynlary.
Şeýle ýaşañ aý- ýyllary,
Aýrylyşmak aýyp bolsun.

Kär etsin, diýlen öwütler,
Wepaly bolsun ýigitler,
Goşa garrasyn jübütler,
Aýrylyşmak aýyp bolsun.

Gaçyrmañ ömrüñ gyzygyn,
Wadañ ýatlatsyn- ýüzügiñ,
Bize gelşer şeýle düzgün:
Aýrylyşmak aýyp bolsun.

Maşgalany saklañ bitin,
Agzybirlik bagta ýe:tir.,
Çagalar galmasyn ýetim,
Aýrylyşmak aýyp bolsun.

Şanazar Hydyrow