Tikinçi gyz
Sen saýlap bilipsiň gözel hünäri,
Elleriňden dür dökülýär enaýy,
Ýadaman dikýärsiň köýnek ýakany
Tikinçi gyz hünäriňe döneýin!

Gözelligne görk goşýansyň görenleň,
Haýranyň seň eden işiň görenler.
Ýadanokmy barmaklaryň hem elleň,
Tikinçi gyz elleriňe döneýin!

Sen höwesli ýapyşýarsyň işiňe,
Beýle hünär berilenok her kime.
Goý, mert ýigit ýazylsyn seň bagtyna,
Tikinçi gyz gül keşbiňe döneýin!

Wagt tapyp goşgularmam okaýaň,
Keşde çekip, ýene halam dokaýaň,
Bölek matalardan köýnek ýasaýaň,
Tikinçi gyz gözelligiňe döneýin!...