Dostluk.

"Dostluk näme?"- diýip, berdiler sowal,
Diýdim: "Dost başyna düşse bir zowal,
Şonda sen nähili dostluk edersiň?
Şonda sen neneňsi goltgy berersiň?"

"Hak dost kimkä?"- diýip, sorady her kim,
Men diýdim: "Çyn dostuň bolanda häkim,
Şonda sen dostuňy tanap bilersiň,
Ýa-da has aşakdan garap bilersiň"

"Dostluk näme?"- diýip, sorap durdular,
Men diýdim: "Aýdaly, dostuň urdular,
Şonda sen nähili karar berersiň?
Şonda sen neneňsi durup bilersiň?!"

"Dostluk näme?"- diýip, oýa batdylar,
Men diýdim: "Dostuňa töhmet atdylar,
Şonda sen nähili jogap berersiň?
Şonda sen neneňsi dymyp bilersiň?!"


Sorag:
Iň ýakyn dostuňyzyň baş harpy?..