Şabram kakylanda jadyly dutar,
Kalbymyñ öýünde gozgalañ gopar.
Ýürek uzak ýyllar ýitiren zadyn,
Gudratly perdeleñ içinden tapar.
Şol pursat gam-gussa gaplansa serim,
Halas eder goşgy ýazýan depderim.

Hem güldürip hem agladyp biler ol,
Bir gudratdan dörän, meger ol dutar.
Keç ykbalyñ müñ gowgaly şarpygnyñ,
Yzasyny ýada salar goşa tar.
Binýadyny goýsañ täze eseriñ,
Ýetişer şo pursat goşgy depderim.

Siñer setirlere mahmal gijeleñ,
Goýnunda mukama öwrülen şygrym.
Ýüreklere barýan ýodany tapar,
Ýatladyp säheriñ päkize nurun.
Bu dünýäde syrdaşym hem hemdemim,
Goşgy ýazýan garalama depderim.

Leýli Çaryýewa