Juda giç duşuşdyk...
Barybir, duşduk.
Didelerim ogşap aldy ýüzüñi
Tolgunmakdan sandyraýan barmagña,
Ah, aslynda men dakjakdym ýüzügi.

Ýöne ýene şükür, solmandyr meñziñ,
Gözleriñde görünenok gussa-gam.
(Hak söýginiñ kanuny bar şeýleräk:
Biz söýgide utulsagam, utsagam,
Oña diñe bagty arzuw etmeli,
Ak ýol dilemeli.
Menem şeýderin!)
Gözleriñde görünäýse damja ýaş,
Ony bagtyñ gözýaşydyr öýderin...
Hoş gal, gülüp ýaşa, sag bolup ýaşa,
Birmahallar öz bagtymdyr öýdenim!..


Sapa Hommadow