Bolýar,
Razymy sen, unutjak dünýäñ,
Söýgüsine özge eýe çykarna ?!
Küýsemezmiñ meni islän arzuwyñ,
Dideleñden gözýaş bolup çykanda ?!

Gabanmazmyñ meni özge gujaklap,
Düýşleriñe talañ salsa egerde ?!
Içki dünýäñ titremezmi gök kimin,
Arman çekip oýanmazmyñ säherde ?!

Unutdyñmy,
Ýa unudan bolýañýamyñ ?!
Ýeñ astyndan bakañokmy gelerme ?!
Sen üýtgediñ, men üýtgedim, kim biler...
Näme berdi bize ykbal deregne...

Meni unudyp gazanarmyñ ýeke zat,
Pozuldymy düýnki ýazylan adym ?!
Sen bu gün nämeler gürleýäñ apat...
Mensizlik dälmidi ýigrenýän zadyñ ?!

Bolýar,
razymy sen gülemde sensiz,
Ýa aglasañ ynjamazmy gursagym ?!
Ýyllar bir gün ýetirmezmi ahyñy,
Çaga deýin gözýaş döken pursadyñ ?!

...Ýyllar ötüp özge ýigit keşbinde,
Söýgi perişdesi sorasa halyñ,
Sen şol gün diýmezmiñ syrly pyşyrdap:
" Bir şahyr oglanda gidipdi janym..."
... Pozmarynam, garalamam adyñy,
Sen mensiz çydasañ, menem çydaryn...

Allanur Çaryýew