Ýüregime düşünmediñ,
Bakdyñ, gitdiñ kese-kese.
Günämidi, ýürek pahyr,
Boluşuña düşünmese ?!

Sözleriñe yşkdyr öýtdi,
Yşkdyr öýtdi gülüşiñe.
Señ adyñy ýazypdy ol,
Özüniñ her ülüşine.

Urmasyny tizlendirdi,
Birzatjyklar ýazan çagyñ.
Eräp gitdi, akyp gitdi,
Düýşlerimde gezen çagyñ.

Kalbyñda gam görünende,
Ynjady ol, agyrdy ol.
Iñ soñkuja umydyny,
Höwesini puç edeñde,
Aglady ol,
Ýalyn bolup,
Alaw bolup çabrady ol...

Sapa Hommadow