VR äýnegini ýatdan çykaryň!



Mikro LED displeýi hakyky bolup bilermi? ABŞ-ly bir kompaniýa, VR äýneginiň ýerine ulanyp boljak «akylly» kontakt linzany oýlap tapypdyr. Bu barada degişli internet çeşmesinde habar berildi.

«Metawers» tendensiýanyň başlanmagy bilen VR hem-de AR äýneklerine isleg barha artyp başlady. VR äýnegi ýaly işleýän bu linza, gözüň üstünde mikro LED ekrany ýerleşdirýär.



Mikro LED displeýli «akylly» kontakt linzanyň aýratynlyklary

ABŞ-da ýerleşýän «Mojo Vision» kompaniýasy ilkinji gezek «CES 2020» ýarmarkasynda öz ornuny tapypdy. Kompaniýanyň täze bildirişinde akylly kontakt linzalarynyň ýakyn wagtda adamlar tarapyndan synag edilip bilinjekdigi hem mälim edildi. Içine ýerleşdirilen obýektiwde VR äýnegine meňzeş iş prinsipini ýerine ýetirer.

«Mojo Vision»-yň baş direktory Drew Perkins tarapyndan synag edilen mikro LED displeýli linzalar kabelsiz işlär. Linzanyň tehniki aýratynlygy bolsa, gaty kiçi mikro LED displeýine ünsi çekýändigindedir. Dýuýmda 14 müň piksel bolan bu ekranyň ölçegi 250×250 piksel we diametri bary-ýogy 0,02 dýuým.

2015-nji ýyldan bäri birnäçe başaryp bolmajak zatlary synaglardan geçirýän «Mojo Vision», öz güýjüni ARM çiplerinden alyp gaýdýar. Bu şereketiň iň uly täzeligi, göz yzarlamak ukyby boldy. Bu wirtual obýektleriň hakyky dünýä bilen birleşmegine mümkinçilik berýär.

«Mojo Vision»-yň baş direktory Perkins: «Bu şereket ABŞ-da kadalaşdyryjy edara (FDA) bolup, ol adamlar bilen synag geçirmek üçin duşuşyp başlady. Ähli zat gowy bolsa, adamlar 10 ýylyň içinde göz öňüne getirip bilmeýän ähli zatlaryny ulanyp bilerler» diýýär.

Eýsem, bu mikro LED displeý obýekti barada näme pikir edýärsiňiz?