Dünýäň ähli zadam jemlenen eken,
Gül goýnuňda, gujagyňda, ýanyňda
Dünýäň ähli zadam girdenek eken,
(Hemişe duýýadym, ýene-de duýdum)
Şu gün agşam näsag bolan çagyňda

Üýşüp geler duýgularam her ýandan,
Beden içre yza berer sanjylyp
Ýok bolar - yzgiderligi ýaşaýşyň,
Hem üzüler üzülmejek zynjyry.

Günler geçer öňkilere tirkeşip,
Çarhypelek çarhyn asla saklamaz.
Bütin ömür aladaňy etsemde,
Birje gije ýatmanyňy haklamaz.

Bagt dört harpa däl-de, üçe jemlenen
Ynsan bagtly ejesiniň ýanynda.
...Dünýäň ähli zadam biderek eken,
Şu gün agşam näsag bolan çagyňda


Ylham GURBANALYÝEW