Mebeller indi bagda öser



Mebelleriň diňe bir agaç böleklerinden ýasalman, eýsem bagda hem ösüp biljekdigini göz öňüne getirip gördüňizmi? Hawa, ýalňyşmadyňyz, ýerden käşir ýygmagyň ýerine, oturgyçlaryň hasylyny hem meýilleşdirip bilersiňiz.

Şeýle bag Angliýanyň Derbişir etrabynda ýerleşýär. Dizaýner Gawin Monro ýaş agaçlary ýörite dizaýn edilen plastmassa galyplarynda ösdürip ýetişdirýär. Şahalary birnäçe ýyllap ugrukdyrýar, birleşdirýär we gereksiz agaçlary kesýär, şeýdip berk çarçuwany emele getirýär. Şahalaryň berkidilen nokatlary süňk döwülenden soň, bilelikde ösen ýaly güýçlüdir, şonuň üçin ýelim ýa-da nurbat gerek däl. Monro munuň organiki 3D çap edilişine meňzeýändigini aýdýar.



Ilkinji oturgyç modeli üçin 4 aýak agajy ösdürilip, bir oturgyçda birleşdirildi. Mebelleri ösdürip ýetişdirmekde, esasan, çalt ösýän we çeýe süýümi ulanýarlar, ýabany alma, hazel we gaýa dublary bilen synag geçirýärler. Oturgyjy ösdürmek üçin 4-8 ýyl gerek. Islendik oba hojalygynda bolşy ýaly, mebelleriň ösmeginde hem töwekgelçilikler bar.

Monronyň “Full Grown” kärhanasy 2012-nji ýylda işe başlady. Şonuň üçin taýýar önümler henizem az, emma olardan ýene bir-iki ýyldan hasyl alynmagyna garaşylýar.