Ýazgyt

Ýeke tuduň bagryn oýup çüý bilen,
"Men seniňki Kerim!"diýip ýazypdyň.
Agaja çyrşalan üçje söz bilen,
Üç ýüz million meselämi çözüpdiň.

Ak kagyz däl, ak tut bolany üçin,
Men ýazylan ýazgylara ynandym.
Emma soňky bu binesip çözgütden,
Ýazgydyma ynamsyzlyk gazandym.

Peýdasy ýok, sen bir törüň bezegi,
Bir haýyşym,
Oba gelip gezip git?!
Biwepa didirmek islämok, ile,
Ýeketuda "däl"sözünem ýazyp git!