Dusia
26.07.2022 08:22
Akyldar dana:
—Güýç-kuwwaty özüňden gözle. Öz ýoluňy tap ýa-da atalaryň ýoluny tut.
Ynha, bir adam kämillige ýetmek üçin gije gündiz türgenleşipdir. Şeýlelikde, ol beden güýjüne eýe bolupdyr.
Kynçylyklaryň öňünde baş egmän, ol diňe öňe gitdi, özüni ýeňmegi başardy. Şeýlelikde, ol ruhy güýje eýe boldy.
Beýikleriň paýhasyny öwrenip, öz pikirini tapdy, şeýlelikde, ol paýhas güýjüne eýe boldy.
Bir gözele aşyk bolup, oňa öz ýüregini açdy. Şeýlelikde, ol söýgiň güýjüne düşündi.
Öýli-işikli, maşgalaly bolup, öz perzendini eline aldy. Şeýlelikde, ol ömrüniň güýjüne düşündi.
Gojalyp tapdan düşen halatynda bolsa, ol öz ömrüne ahmyr çekmedi. Sebäbi hakyky güýjüň nämedigine düşündi...
