Jigim bar bir enaýy,
Oñat görýäs hemmämiz.
Jigim bilen gürleşsek,
Ýok birjigem dymmamyz.

Gülýäs görüp jigimiñ,
Bizi tapjak bolýanyny.
Bilýä eýyýäm jigim jan,
Nireden ses gelýänini.

Ýöne jigim betje-dä,
Käte örän giç ýarýar.
Oýun gerek bezzada,
Biziñ ukymyz tutýar.

Eger uzak otyrsak,
Başlaýarys yranyp.
Ýatyberýäs onsoñ biz,
Ýorganymyzy bürenip.

Ejem welin ýorgana,
Girer ýerde girenok.
Towusganja jigimi,
Towusdyryp irenok.

Käte gijäñ bir wagty,
Oýanýaryn suw diläp.
Otyr ejem şonda-da,
Jigimjany hüwdüläp.

Irden oýarýar ejem,
Çaýymyzy gaýnadýar.
Otyr özem şonda-da,
Jigimjany oýnadýar.

Nahar taýyn, çaý taýyn,
Lowurdap ýanýar pejem.
Göremzok-la uklanny,
Haçan ýatýarka ejem?!

Tanýa Wasilýewa