Pilin yupi


Bir adam pil­le­riň sü­rü­si­niň ýa­nyn­dan ge­çip bar­ýan eken. Ese­wan et­se, uzyn bu­run­ly äpet jan­dar­la­ryň öň aýak­la­ry in­çe­jik ýüp­ja­gaz­lar bi­len da­ňyl­gy eken. Ýü­püň in­çe­di­gi­ne ga­ra­maz­dan, äpet pil­ler ýüp­den bo­şan­ma­ga sy­na­nyş­ma­ýan eken­ler. Ter­si­ne, olar öz­le­ri­ni diý­seň ra­hat duý­ýar­my­şyn. Bu ýag­da­ýy bir sa­lym syn­lap du­ran häl­ki ýo­lag­çy, pil­le­riň eýe­sin­den onuň se­bä­bi­ni haý­ran gal­mak bi­len so­rap­dyr. Baş öw­re­di­ji oňa se­re­dip, “Pil­le­ri biz ki­çi­lik­den bu ýüp­le­re öw­re­niş­dir­dik, aýak­la­ry­ny daň­mak üçin bol­sa, şol bir ýüp­le­ri ulan­dyk. Il­ki-il­ki­ler, pil­ler en­tek ça­ga wag­ty bir­nä­çe ge­zek ýüp­den bo­şan­ma­ga sy­na­nyş­dy­lar. Em­ma ola­ryň güý­ji ýet­me­di. Aý aý­la­nyp, ýyl­lar ötüp, pil­ler ulal­sa­lar hem, bu ýü­pi üzüp bil­me­jek­dik­le­ri­ne ynan­dy­lar. Şeý­dip, olar ýüp­le­re öw­re­niş­di­ler” – di­ýip, jo­gap be­rip­dir.



Datly Alma
Mugallym okuwyny gutarjak okuwçylaryndan iki sanysynyň ellerine sebet berip bagdan iň datly almalardan ýygmagy başaranyň uçurym boljakdygyny aýdýar. Ep-esli wagt geçenden soňra okuwçylar alma doly sebetler bilen dolanýarlar.

Okuwçylardan biri iň gowy, owadan we çüýrüksiz almadan dolduran sebetini özüne göwnü ýetýän uly ynam bilen mugallymyna tabşyrýar.

Yzyndanam beýleki okuwçy mugallymynyň öňüne sebedini goýýar. Ýöne bu ikinji okuwçynyň sebedindäki almalar beýleki okuwçynyňky ýaly abat hem-de owadan däl-de, eýsem ýere gaçyp garalan, ezilen hem-de mör-möjekli we hapady.

Mugallym ikinji okuwçysyna “Sen uçurym bolduň, ýoluň açyk bolsun!” diýip ony ugradýar. Muňa hiç-hili aň ýetirip bilmedik birinji okuwçy gaharlanyp, mugallymynyň adalatsyz çemeleşýändigini pikirlenip özüniň närazylygyny dile getirýär: “Düşünmedim-le men, bu nähili beýle bolýar?”

Mugallym okuwçysyna seslenmezden ýylgyrýar-da getirilen birinji sebetdäki almalaryň iň täzesinden we ikinji sebetden iň könesinden birini alyp, kesip oňa iýmäge hödür edýär. Okuwçynyň dadyp gören almalarynyň datlysy dogrudanam ikinji sebetdendi.

“Men size iň owadanyny däl-de iň datlysyny ýygmagy tabşyrypdym” diýýär mugallym.

Dogrudan hem, iýýän almalaryňyza üns beriň. Abat almany dadyň birem beýlekisini. Daş görnüşi enaýy bolsa-da tagamy nähilikä?

Hamala diýersiň ir-iýmişlerem edil adamzat ýaly ýaralandykça durmuşyň tagamy şonçada datlanýar, manylaşýar. Diýmek, ýaralarymyz bilen owadan hemmämiz.





Ayakgap satyjy
Aýakgap öndürip, ýerleýän bir kärhana, iki sany işgärini bazar ýagdaýlaryny ymykly öwrenmek üçin Afrika döwletleriniň birine ýollamakçy bolýar.

Ilkinji giden işgär goýberilen döwletiniň ykdysady ösüşini, ilatynyň hal-ýagdaýyny, bazar-önümçilik gatnaşyklary bilen ýakyndan gyzyklanyp görýär. Giden-gören zatlary we alyp baran işiniň netijeleri barada özüni ugradan ýolbaşçysyna gelip şeýle hasabat berýär: “Afrikada biziň iş alyp barmagymyz üçin hiç hili şert we mümkünçilikler ýok, sebäbi ol ýerde ýaşaýan adamlaryň aglaba bölegi aýakgap geýmän aýakýalaňaç gezmäge endik edipdirler.” diýýär.

Ýene-de şol döwlete iş saparyna goýberilen ikinji işgär-de bazary aýlanýar, halkyň ýaşaýşy bilen içgin tanyşýar. Yzyna dolanyp gelen bu işgär hem ýolbaşçysyna geçiren barlagynyň netijeleri barada şeýle hasabat bilen çykyş edýär: “Afrikada biziň iş alyp barmagymyz üçin şeýle bir gowy hem-de amatly pursatlar bar. Sebäbi ol ýerde ýaşaýan adamlaryň köp bölegi aýakgap geýenoklar.”

Biziň durmuşa bolan dünýägaraýşymyz özümize uly täsirini ýetirýär. Hemişe her bir işiň gowy tarapyndan seretmek üstünlige hem bagta alyp barýandyr!