Gün urmagy başgaça ýylylyk urmagy howply ýagdaý bolup, daşky gurşawyň şertlerinden bolan aşa gyzgynda köp bolmak we termoregulýasiýanyñ ýetmezçiligi sebäpli bedeniň gyzgynlygy 40,6 ° C-den ýokarlanmagy bilen gipertermiýa ýagdaýyna gelmegi bolup durýar.
Öňüni alyş çäreleri:
Köp mukdarda sowuk suwuklyklary kabul etmek we park edilen ulaglar ýaly gysga wagtyň içinde gyzyp bilýän şertlerden uzak durmak we aşa yssy we çyglylykdan gaça durmakdyr.
Bejergi:
Bedeniň fiziki gyzgynlygyny peseltmegi öz içine alýar.

Alamatlary:
Ýylylyk urmagy, adatça bedeniň temperaturasy 40,6 ° C-den ýokarlanmagy bilen bilelikde içki hemişeligiñ bozulmagy we derlemegiñ ýetmezçiligi bilen ýüze çykýar. Ýylylyk urmazdan ozal adamda baş aýlanmak, añyñ bulanmagy, kelle agyry we ýadawlyk ýaly alamatlar görkezýär. Adam uklap ýatyrka ýylylyk urmagy ýüze çyksa, alamatlary duýmak has kyn bolýar. Ýöne aşa köp zähmetiñ netijesinde dörän ýylylyk urmagy täsir eden adam aşa köp derläp biler. Esasanam kiçi çagalarda tutgaý bolup biler. Ýylylyk urmagy huşuň ýitmegine, organlaryň ýetmezçiligine, hat-da ölüme hem sebäp bolup biler.
Awtoulaglarda:

ABŞ-da 1998-nji we 2011-nji ýyllar aralygynda yssyda azyndan 500 çaga awtoulagda bolmakdan öldi we ölenleriň 75% -i iki ýaşdan kiçi bäbeklerdi. Howanyň temperaturasy 21 ° C bolsa, göni gün şöhlesinde saklanýan awtoulaglarda gysga wagtyň içinde 49 ° C-den ýokary bolup biler. Maşynda ýeke galan ýaş çagalar, garrylar we maýyplar yssy zarba sezewar bolmak howpuna sezewar bolýarlar. Maşynyň penjiresi bölekleýin açyk bolsa-da, çagalar we garrylar awtoulagda gysga wagtyň içinde ýylylyk urmagyny alyp bilerler. Esasanam bu topardakylar ýapyk awtoulagda bolandyklary we geçip barýanlaryň ünsüni çekip bilmeýändigi sebäpli awtoulagyň gapysyny açyp ýa-da oňaýsyzlyklaryny dilden aýdyp bilmeýärler. Itler we pişikler ýaly öý haýwanlary, awtoulagda galanda adamlara garanyňda ýylylyk urmagyna has ýykgyn edýärler, sebäbi bedenini sowatmak üçin tutuş bedeninden derläp bilmeýärler. Yssy günlerde öý haýwanlaryny köp suw bilen öýde goýmak maslahat berilýär. Maşyn bilen syýahat etmek zerur bolsa, haýwany awtoulagdan başga ýere daňmaly we onuň öňünde bir tabak suw goýmaly. ABŞ-da, soňky döwürde awtoulagda galmak sebäpli çagalaryň ölenleriniň ýarysynda ene-atalar çagasynyň awtoulagda bolandygyny ýatdan çykardylar, 18% -de ene-atalar awtoulagyň içiniň gaty gyzyp biljekdigini bilmeýärdiler. Çagalaryñ 30%-i oýun üçin maşyna mündi. Şeýle ýagdaýlarda ene-atanyň garşysyna kazyýet işi dürli bolup biler. Iki dürli ýagdaýda, Kaliforniýada yssy howada awtoulagynda ýatdan çykaryp oglunyň ölümine sebäp bolan uniwersitet professory prokuratura tarapyndan kazyýete çykarylmady, ýöne Floridada at ýaryşlary wagty gyzyny bilgeşleýin awtoulagda goýup ölümine sebäp bolan seýis 20 ýyl azatlykdan mahrum edilip, soñundan bolsa ýurtdan deport edildi.