Günleň biri elden gaçan käse deý,
Taýyp gitdiň, sabyr käsâm moý açdy.
Gör nije ýyl "dymp" etmedik ýüregim,
Edil şugün jibir-jibir dil açdy,
...İller ýaly diýmeseňde "garaşgyn",
...Garaşdym.

Men göze ilen bir nowjuwan gyz ahyr,
Aladadym Enem bilen Atama..
Guda gelse ýer tapamok girere,
Gatnaýanlar köpelipdir ak tama,
Aňsalaram, aldamaga çalyşdym,
... Garaşdym.

Kese bakýan kesip geçjek ýoluňa,
İliň gözi maňa göni dikilýär,
Sen dünýämi ýumrup gitdiň başyma,
Göz kän, dil kän ... şu zatlardan çekinýän,
Halyň niçik, daş gulakdan soraşdym,
... Garaşdym.

Mende bir dert, sende-de müň alada,
Derdim ýeňletmäne käte gel ahyr.
Meni ýüpsüz aýralyga saradyň,
Dartyberseň, kertiberer teý ahyr.
Ynanýaňmy men hiçkime "garaşsyz"
... Garaşdym.

Kämahallar ýyllap duşman oňarsyň,
Maýam dörär käte kowup gaçara.
Derdim çekişeňok asyl özüň Dert
Sen hossar däl saňa syrym açara,
Men bu gije ejem bilen aglaşdym,
... Garaşdym.