Söýgim üçin däli bolup,
Ýaş ýüregin ezipdi diý!
Yşk ummanda ýaly bolup,
Titanik deý ýüzüpdi diý!

Wadasynda mäkäm durup,
Hyýalynda durmuş gurup,
Ýalanlarma gözün ýumup,
Dogrylarmy süzüpdi diý!

Kä beýge, kä teýe çykyp,
Her dürli oý-küýe çykyp,
Ýalňyz a:da eýe çykyp,
Robinzon deý gezipdi diý!

Dünýe täsin röwüş deýin,
Gezdi munda derwüş deýin.
Menzil geçen köwüş deýin,
Umytlary tozupdy diý!

Söýlende söýülse - hut bagt
Söýüp söýülmese - betbagt
Baky bolmasa-da şol wagt
Hakydadan pozupdy diý!

Bagtyň barsyn basym ýerne
Ykbal dözme kesimlerňe.
Menden soňky nesillerňe,
Şu goşgyny ýazypdy diý!


Ylham GURBANALYÝEW