Tapgyn söýdim diýýäni
Iki günlik köýýäni
Emma jandan söýýäni
Taparsyňmy? Bilmedim!

Bolsa öňde sen dek gül
Başda-başda saýrar dil
Emma yşgyňda bilbil
Taparsyňmy? Bilmedim!

Bolar işin düz etjek
Süýji-süýji söz etjek
Ýanyp goşgy ýüz etjek
Taparsyňmy? Bilmedim!

Yrar edip gep baryn
Goşgam aýdar toplanyn
Berjek tenin çep ýanyn
Taparsyňmy? Bilmedim!

Bulutlara beýgeljek
Bagtyň tapsaň bir geljek
Men dek saňa begenjek
Taparsyňmy? Bilmedim!


Ylham GURBANALYÝEW