Birki gün bäri Gurbannazaryñ şu setirleri kellämde aýlanyp dur:"Kimse haýrañ zary, kimse şeriñ zary.." Haýryñ zary nähili adamka? Şeriñ zaram barmyka ? O nähili adamka? Gurbannazar diri bolsady sorardym. Indi özüm jogap gözleýän.Täsin sesi bilen janyndan syzdyryp: " Ýagşylygy bolsa az etdim juda " diýýäni şu wagtam göz öñümde. Adatça, ýagşylyk etmek diýilende horlanana maddy , ruhy kömek etmek diýip düşünilýä. Göwnime ýagşylyk bu çäklendirmeden has giñ , has çuñ ýaly. Jübiñde , añryñda bir zadyñ bar bolsa horlanana eçileniñi berersiñ, dagy bolmanda adama ýamanlyk etmejek bolarsyñ - bolanymy? Her kimiñ öz güzeran aladasy ýetikkä , beýle soraglar ýöntemem görünýä. Ýöne ýagşylyk etmezlik, ýamanlygyñ edilmegine mümkinçiligem diýilýä. Haýyar dyman wagty , şer ýaýnaýa. Dostaýewskiý ýagşylyk etmegiñ , bol zadyñ ujundan birazyjyk uzatmak däl , ýoguñy bar edip bermekdigi barada aýdýa. Islendik kyn işiñ bahasynyñam gymmat bolşy ýaly , kyn düşýän ýagşylygyñam sogaby uly bolarly. Aslynda sogap üçin ýa- da başga bir bähbit arap ýagşylyk etmek ýagşylygada az meñzeýä. Din alymlary : " Diñe Allañ ryzasy üçin ýagşylyk etmelidir " diýýäler. Ýöne biri ýagşylyk edýändirin diýip, özüni zordanrak oñarýan birini " äkit-getir" işinde ulanýa. Ýöne ol adam ýagşylyk edýäne bagly onuñ hemişelik " hyzmatkärine" öwrülýär. Bulam ýagşylykmy? Megerem, hakyky ýagşylyk birine çykaryp pul bermek däl_ de , ol puly özüniñ gazanmagyny öwretmekdir. Birine bir zady öwretmek, ony bir gezegem bolsa ugrukdyrmak müñ gezek nagt ýagşylykdan has gymmatlymyka diýýän. Ol señ eden ýagşylygyñy bilsin, bilmesin, ýöne sen ony gaýdyp dilenip ýörmekden halas etseñ, özüne gazanmagy öwretseñ iñ haýyrly iş şol. Maddy ýagşylygyñ gürrüñini edene meñzedim. Aslynda,ruhy ýagşylygam edil şonuñ ýaly bolsa gerek. Bir adamyñ ruhy giñeldip, çuñaldyp bilseñ , oña ýetesem ýagşylyk bolarmy? Ýöne ruhy çuñluga onuñ özi ýeter ýaly edip bilseñ bu has gymmatly. Ýene bir zat aýdasym gelýä, öterägem geçýän bolmagym mümkin ýöne adam haýryñ zary bolmasa, şeriñ şärigidir.

Hydyr Amangeldi