WATAN
(Erkin şygyr)

Gelsin kynçylyklaryň leşgeri,
Müşgillikleriň lowlaýan ody,
Men ähli umydym bilen saňa ynanýan,
Eý, beýik milletimiň beýik ady!

Baýdagyň kalbymdyr,
Aýdymyň - senam.
Köpetdagyň arkamdyr,
Garagumyň - ülkäm.

Pederler
Seniň üçin çarkandakly ýollary geçdi,
Dostluklaryň aýdymy,
Parahatçylygyň baýdagy üçin göreşdi!

Seniň üçin ykballarymyz bir,
Ýollarymyz bir,
Halkymyz bir.
Seniň saýaňda ýazlaýas, dem alýas!
Milletim Seniň saýaňda Garaşsyz!