Köşeşdirjek bolma, degme aglaýyn
Adamyny güýçlendirýär agyry.
Gussa ýagyşyna ezildim biraz,
Ýagyş hemmäň üstin ezýär ahyry.

Köşeşdirjek bolma, degme aglaýyn
Degme şatlyk meni biraz terk etsin
Ýalandan ýylgyryp ýadydym juda
Ýüregimem öz erkine emr etsin

Köşeşdirjek bolma, degme aglaýyn
Öz ýalňyşym özüm bilerim ýaly
Hemem ykbal eçilende serpaýyn
Bagtyň gadryn has hem bilerim ýaly

Köşeşdirme ýenem bir az aglaýyn
Hem sorama gözýaşymyň sebäbin!