Men-menlik öňde dursa
Akyl bilýänem däldir
Durmuş jaýdarrak ursa
Ýykyl diýýänem däldir

Içde umyt ölmese,
Ýüzi solýanam däldir
Gözler aýdyp bilmese,
Sözi alýanam däldir

Öz derdiň öziň iýer,
Deller iýýänem däldir
Söýseň bil, Ýürek söýer!
Diller söýýänem däldir

Bagt bolsa, birden duşar
"Bol-bagt!" bolýanam däldir
Käbirler baky ýaşar
Şol wagt ölýänem däldir


Ylham GURBANALYÝEW (2021)