Sähel zada ejizleýän,
Men bir sada görgüliň.
Geldim, ýene huzuryňa ,
Bütin ömür bergilim.

Sen dälmidiň çaga wagtym
Aglanymda köşeşdirip,
Sen dälmidiň örüm saçym
Emaý bilen çözleşdirip,
,, Entäk-entäk dirikäm bir,
Ýaş dökmegin gyzym " diýen.
,, Mele buýra saçjagazyň,
Sowuk ýele dözmen " diýen

Şol günlerem daşda galdy,
Durmuş ara saldy wagty.
Ýöne, ýene agladym men,
Öňkümden has tapawutly.

Sebäp käbir duýgularym
Ýüregime berýär agram
Käbäm, indi barmagym däl,
Has näzigräk ýerde ýaram.

Köp ýerlerde gödek boldum
Köp ýerlerde sada boldum
Ýöne seniň diýişiň dek
Ejizlere aga boldum

Indi özüm ejiz gelýän
Durmuşyň agyr-ýeňlinden
Şonda-da men ýeňilmerin
Sypap durýarkaň egnimden.

2022