Haçanlardyr bir wagt ýadyña düşüp
Düýşleriñe talañ salsam eger-de.
Dañ şemalyñ nalyşyna gulak sal,
Ýöne men diýip gelmäweri älemde!
Ezizlänim sen şeýlebir üýtgediñ,
Hat-da boyna alasyñam gelenok.
Ho:l öñküje aýdan şirin sözleriñ,
Soñky döwür gulagyma degenok.
Ýa-da menden göwün kine etdiñmi,
Söýgiñ ezýetini ataryp başa.
Ýa isleýän menziliñe ýetdiñmi,
Goýup meni hasrat atly gözýaşa...
Mümkin, kalbyñ özgededir owalam
Hak söýgi ýokduram, asla-egerem.
(Bagtyñ şerbetinden ganmadyk kalbym
Seni ykbal synaýandyr megerem?!)
Saña kyn däl durmuş atly hekaýa
Çünki sen owaldan söýmändiñ meni.
A men bolsa gözüm dikip ýoluña
Sen diýip alýardym bu janda demi,
Bu gün bolsa gamly bakyp ykbala
Älemden göräýjek bolýan täleýim,
Yrsaraýyp hat-da deñi duşumdan
Damagymda tegek boldy yşk meýim...