Senli geçen aňzak gyşy küýsedim
Çydap bilmän aýralygyň ýazyna
"Söýen ýarym,dolanmazmyň?!" diýsedim
Owaz goşup "Keçpelegiň" sazyna

Häli-şindi gyzaryp dur göwnümiň
Aýralykdan şarpyk iýen çekgesi
Käşgä umyt dörese-di gursakda,
Ykbal meni sen tarapa çeksedi

Astronomiýa-da üýtgäpdir sensiz...
Geçýän gün,deň däl ýigrim dört sagada
Içdäkilem şeýle agyr, hem deňsiz
Agyr düsjek, ol gojaman daga-da

Soňky döwür pikirlermiz bulaşdy
Garaz, şeýdip oňuşmadyk bol-telki
Tekepbirlik beýnimize çolaşdy,
Söýgümizi öldürenem şol belki


Ylham GURBANALYÝEW (2021)