Meni söýgim üçin bagyşla, Taňrym!
Giňiş gursagymy daraldyp, ta:lap,
Umytlarmy ýenjip çalajan eýlän,
Bir zybagözeli galaýdym halap...

Kyýamata galmasyn, goý, bu kasas,
Hasaplaş, söýgimden başgasyn al-da!
Törden orun aldym (begenmelimi ?...)
Ýanan aşyklaryň maşgalasynda . 😔

...Emen süýdim çig-dä meňem,
Şoň üçin
Meni söýgim üçin bagyşla, Taňrym!
Ýazan takdyryňa bolmadym kaýyl.
Razy etjegime gözüm ýetirsem,
Hormatly myhmanym bolsun Ezraýyl.

Kalbyma dözüm ber, iňlemesin ol,
Ýakyn görünmesin bärimden aňrym.
Umyt ber,
ynam ber,
ýöne öňürti,
Meni söýgim üçin bagyşla, Taňrym !