Bahar geldi.
Emma entek gyş ýaly
Hamala diýersiň gyşdan göçürme
Kimler üçin bir ýönekeý garly gün
Kimler üçin müňläp başdangeçirme

Kimsi üçin-ä bolandyr ajap gün
Kimsi ýatandyr içerde keselläp
Kimsi üçin-ä bolandyr gamgyn gün
Kim gar oýnaýar daşarda heşelläp

Kimsi aýrylandyr yary-ýaryndan
Garly günde gyýylýandyr päk ýürek
Kimsi barýandyr ilki duşuşygna
(Sowukda duşuşyk nämäňe gerek?)

Zyýan boldy, pyntyk-güli doňdurdy
Hem suw boldy teşne bolan nahala
Sebäp boldy iň uly şowsuzlyga
Hem ajaýyp üstünlige bahana

Ene-ataň şatlygyny dolduryp
Täze dünýä gözün açdy gör kimler
Jigerlerniň gözýaşyny doňduryp
Soňky ýola ugradylar gör kimler

Göýä çagyrylmadyk myhman kimin
Duýdansyz töre geçdi ak myhman
Töre geçenin geň görmek hökman däl
Ak zady gowluga ýormak-bu hökman

Garaz, näme bolsa gowluk diýeliň
Erbetlige çekjek bolsak sebäp kän
Her zadyň boluwersin haýyrlysy,
Mydam ýagşylyga bolsun sebäpkär


Ylham GURBANALYÝEW (2021)