Bäş gün dünýe geçer gider,
Adam ogly göçer gider,
Bu ýalançy pany dünýe,
Köp ýollary eçer gider.

Tutundurar dosty-ýary,
Geçersiň sen ençe ýoly,
Unutdurup din-imany,
Amalyňy ýapar gider.

Göz-gaş kakyp,bakar gider,
Barja aklyň alar gider,
Dogry ýoldan azaşdyryp,
Günä baryn ýazar gider.

Şeýtandyr bu girer-çykar,
Meý-şerapdyr aklyň tutar,
İçseň baryn göziň gapar,
Masgarabaz eder gider.

Görmez göziň,ene-atany,
Ne aýaly, ogul-gyzy,
Berer diňe biserpaýy,
Abyraýyň gaçar gider.

Şeýdip ömrüň geçer gider,
Bagt guşuň uçar gider,
Saklan indi döwran öter,
Elden gadryň alar gider.

Awtory:Öwlüýâgulyýewa Aýgül.