Ejizdir öýdüp bir etmegin pikir,
Ejizler - özi üçin aglaýanlardyr
Bütin ömrün bagty gözläp geçirip,
Bagtyň nämediginäm aňmaýanlardyr

Gedemdir öýdüp bir etmegin pikir,
Gedemler hiç kimem görenok ahyr!
Men-ä seni görýän, dünýäni görýän,
Umydymam hiç zat döwenok ahyr!

Ýokduryn öýdübem etmegin pikir,
Ýer togalak, sataşarys birdenkä.
...Bardygymy bilib-ä begenensiň-le,
Kimdigimi bilibem begenermikäň?!


Aýgül Garaýewa