Çala pul görünse, ýitirmäň erki
Saglykdyr-baýlyk, ähli zatdan ilki
Bulaşdyrmaň hiç, boýag bilen görki
Gözellik elmydam kalpda bolmaly

Ulumsylyk adamy etse guly
Özinden başgany görkezmez uly
Meñzeşdirmäň hiç gürrüň bilen syry
Çyn syrlar elmydam gulpda bolmaly

Azaldy türkmende Alp-Arslan, Sanjar
Hak dostlar arkadan urarmyş hanjar
Nadany elmydam Taňrysy ýenjer
Pespällik ýokary gürpde bolmaly

Her pullynyň boldy-işleri şowly
Haram eklenç, maşyn, owadan howly
Haçan oýanjak sen, eý adam ogly
Haram däl, halaldan gurpda bolmaly

Ýaşuly, ýaşkiçi, bilimli, ýaňra
Ajal gelse bir gün gitmeli aňra
Işiň düşdüginde ýalbarma Taňra
Allam ýürekde baş harpda bolmaly


Ylham GURBANALYÝEW

#2020