Gazaply gyş günleriniñ biridi. Kiçiräk bir obadan balykçy gämisi deñze tarap ugrady. Şol barmana deñizde harasat turup , güýçli tolkunlar döredi. Bir salymdan garañky düşdi. Balykçylar welin yzyna dolanyp gelmedi. Eneler , çagalar we aýallar gijesi bilen balykçylaryñ sag aman dolanyp gelmesi üçin dileg etdiler. Olar kenarda gözýetime garap köp garaşdylar. Üstesine şol gijede bir külbede ýangyn döredi. Erkekler bary deñizde bolansoñ , aýallara ody söndürmek başartmady. Ertesi irden bolsa balykçylar sag aman gaýdyp geldiler. Hemmeler begendi. Emma bir aýalyñ welin ýüzi solukdy. Sebäbi olaryñ ýaşap oturanja külbesi ýanyp kül bolupdy. Ol deñizden gelen adamsyna : "Indi name ederis ?! Külbämiz ot aldy , bar zadymyz ýandy , kül boldy.." diýdi. Adamsy aýalyna şeýle jogap berdi: " Mena külbämiziñ ýananyna şükür edýärin. Entegem oduñ ýagtysyn göräýdik , ýogsa biz apy - tupanyñ içinde kenaryñ haýsy tarapdadygyny hem biljek däldik.
