TAPYLMAZ
Baý gapysy dolup durar bedewden
Garyba münmäne eşek tapylmaz
Bir gyz ýada oglan ýalňyşsa birden
Gybatdan girmäne deşik tapylmaz!



Bir adam duýdansyz duşup bir derde
Işi düşüp barsa pully namarda
Namart arsyz bolar gel diýer erte
Kömek soramana işik tapylmaz!



Uzadan ýeriňe ýetmese eliň
Sylamazlar sen şony berk biliň
Asmandan gelmese ozal rysgalyň
Ýerde alçy gopjak aşyk tapylmaz!



Hemmäniň başynda bardyr bir ölüm
Syla söý hormatla ynjytma göwün
Iň soňky pursatda sogrulsa demiň
Ak biýzden başga hiç eşik tapylmaz!